Sarah Kirsch
Heemelk gungt weer de Muun ap …
De Wolken aprakt oawer deät Moorlun
Wat bleak wür en stell as de Ewigkait.
De Win druug fan alle Kanten
Noachterlik Stemmen djooart Skreeken
Uk fan Roaben din’n beäg fan ‘e Djiggel
Djam tu de Ruttern deel din’n herrem Speegel
Kotjeruusen bispant dja soag
Djerrem Ufbül önners tu boppen uun ‘e Groaben
Dear önner deät Wülns fan ‘e Hemmel.
De Roaben ferdjeät deät Hüs de
Blömken fan ‘e Gooar suaart Meteore
Sweebet dja iip ‘t Lun tu deät siin
Kläow as en Klavier uun Pakis
Iip de Issee lik-ap stin en berri schtjülliger
As de Haili Stuul uun Italien helech
Dat ik en betjen fan miin Noorn streäwe –
Me skiint ‘et ik sooi de Woorhait
Skriuw med inferderrewen Blak.
Oawerdrain uun Halunder fan Reimer Boy Eilers
