En Seefaart-Kapitel söner Iar

Üüs Fuarfaaren ön Nuurdfriislön en Jütlön sen üp Walfeskfang en üp Hanelsfaart ütfan köört. Di jen of üđer Koptain es sa tö en biachtelk Welstant kemen, man di Maaner fan`t Skepsfulk kür bluat jaar Familjin Itüüs dit Aurlewin seekeri. Wan em ön ual Sérkboker fan`t 18. Jaarhönert last, dat hoken üp Guinea- en Angolafaart wesen es, sa ken em diarfan ütgung, dat didiarem Seeman ön di Slaawenfaart diilnomen heer. Ön jaar Leewentbirochten haa di miisten Koptains ek diaraur skrewen en tömiist her jaar Familjin uk nön`t fan didiarem skanelk Faarten mefingen. Man ön`t Sölring Arkiiv ken em Önerlaagen finj en muar diaraur tö weeten fo.

Ön di Meren fan`t 15. Jaarhönert bit hentö Bigen fan`t 18. Jaarhönert waar 15 Miljoonen suurt Mensken üs Slaawen aur di Atlantik braacht, hentö kum jit en paar Miljoonen, diar önerwai stürwen sen. Sent Jaardüüsenten jeft`t al Slaawerii üp hiili Wárel. En gurt Öntal Slaawen wiar Krichsfangenen, diar üs bilig Aarberskraften söner Rochten hölen waar. Hat es uk fuarkemen, dat ön di aafrikaans Lönen Köningen en Diil fan jaar fangt Fiinden üs Slaawen tö europeeisk Kumpeniien forkoopet haa. Sa sen uk di „Denemark Kumpenii“ en di sa neemt „VOC“, en Kumpenii ön Holön, en en masi priwaat Önplaantingbiseeters tö en gurt Rikdom kemen.

Fuar di Slaawenfaart waar Skeepen nütet, wat üs Hanelsskeepen brükelk wiar. Dit Tweskendek, wat nöörig wiar, om didiarem árem ungstig Mensken önertöbringen, waar miist jest ön di aafrikaans Küst fan di Skepstemerlir iinbecht. Em bidreev diilwiis uk en saneemt „Triikant-Faart“. Üt di europeeisk Haawener waar fuaral en masi Bösen, Munitsjoon, Snaps, Tekstiilwaaren en Spailen üs Tuskwaaren eeđer Weestaafrika braacht. Em noom diar Slaawen, Gul en Elfenbiin ön Buurt en silt eeđer Weestindiien. Ön ual Skeps-Tirskreften sen di Slaawen üs „Cargo“ āpföört; Ja wiar fuar di Koopmaner bluat en Hanels- Waar, niin Mensken. Tabak, Soker, Boomeln, Gul en Elfenbiin waar weđer me tüs braacht. Üp di gurt Önplaantings skul di Slaawen öner ünwiartig Bidingings aarberi. Em ken sii, dat di Grünlaag fuar di Hanel me weestindisk Kolonialwaaren di Slaawenaarber üp di Önplanntings wiar.

Di Aarber wiar sa grögelk swaar, dat di miisten fan di Slaawen jung stuarev, sadat em altert nii Aarberskraften önskafi skul. Di litj en gurt Antillen heer em ön`t 18. Jaarhönert „Sokerailönen“ neemt, aurdat jir fuaral Sokerröör önbecht en foraarbert waar. Di Ailönen Saint Thomas, Saint John en Saint Crox jert ön di Koloniaaltir „Deensk Weestindiien“ tö.  Üt Sokersiirep waar uk Rum maaket. Deling jit uur Flensborig „Rum-Stadt“ neemt, aurdat diar di weestindisk Rum forskiaren waar. Sa es uk didiarem Histoori me Slaawerii forbünen. Wü fraagi üüs, hurom üüs Fuarfaaren ön didiarem Skeepen önmönstert haa. Fuulen es wel des ünwiartig Grögelkhair jest wilt di Faart āpgingen.

Sa gair üt ual Listen fuar, dat en gurt Öntal Seeliren üt Sleeswig-Holstiin didiarem Faarten bluat jenmol memaaket haa. Uk sen ön di Skeps-Listen aaft Noomer tö finjen, huur staant, dat ja wechlaapen wiar. Wan en Galigteeken diarbi wiar, ken em diarfan ütgung, dat ja üs Desertöör āphinget waar.  Man öner di Koptains, diar üp Guinea- en Angolafaart köört, sen uk Noomer fan di Nuurdfriisk Ailönen tö finjen. Ön`t 18. Jaarhönert waar altert eeđer Hööv di Bikeentmaakings fan di Lönfööger fuarleesen. Sa köör em di 25. Maimuun 1782 üp Föör fornem, dat di „Köninglik Admiraliteet“ fjuur Koptains saagt, diar Erfeering me „Neger-Hanel“ her. Hat skul binai 50 Jaaren waari, dat di Slaawerii üp Wārel ofisijel ofskafet waar, eeđer dat Denemark 1804 di Bigen maaket her. Jest 1863 föligt Holön en wilt di Sezessionskrich es di Slaawerii 1863 uk ön di USA fan Abraham Lincoln āpheewen uuren.

Ein unrühmliches Seefahrt-Kapitel

Unsere Vorfahren in Nordfriesland und Jütland sind auf Walfang und auf Handelsfahrt gegangen. Einige Kapitäne sind so zu einem beachtlichen Wohlstand gelangt; die übrige Mannschaft konnte dadurch nur das Überleben ihrer Familien zuhause sichern. Liest man in alten Kirchenbüchern des 18. Jahrhunderts, dass jemand auf Guinea- und Angolafahrt gewesen ist, so kann man davon ausgehen, dass dieser Seemann an der Sklavenfahrt teilgenommen hatte. In ihren Lebensberichten haben die meisten Kapitäne nichts darübergeschrieben und zumeist haben ihre Familien auch nichts von diesen schändlichen Fahrten mitbekommen. Im Sylter Archiv sind Unterlagen zu finden, in denen man mehr erfahren kann.

Von der Mitte des 15. Jahrhunderts bis zum Beginn des 18. Jahrhunderts wurden 15 Millionen schwarze Menschen als Sklaven über den Atlantik gebracht, hinzu kommen mehrere Millionen, welche unterwegs gestorben sind. Seit Jahrtausenden existiert die Sklaverei auf der Welt. Eine große Anzahl Sklaven waren früher Kriegsgefangene, die als billige Arbeitskräfte ohne Rechte gehalten wurden. Es ist auch vorgekommen, dass Könige aus afrikanischen Ländern einen Teil ihrer gefangenen Feinde als Sklaven an europäische Kompagnien verkauften.

So sind u.a. die „Dänische Kompagnie“ und die sogenannte „VOC“, eine Kompagnie in den Niederlanden und viele private Plantagenbesitzer zu großem Reichtum gekommen. Für die Sklavenfahrt wurden gebräuchliche Handelsschiffe genutzt. Das Zwischendeck, welches benötigt wurde, um diese armen verängstigten Menschen unterzubringen, wurde meistens erst an der afrikanischen Küste von den Schiffszimmerleuten eingebaut. Man betrieb teilweise auch sogenannte „Dreiecksfahrten“. Aus den europäischen Häfen wurden vor allem Gewehre, Munition, Schnaps, Textilien und Spiegel als Tauschwaren nach Westafrika gebracht. Dort nahm man Sklaven, Gold und Elfenbein an Bord und segelte nach Westindien. In alten Schiffsjournalen sind die Sklaven als „Cargo“ aufgeführt; sie waren für die Kaufleute nur eine Handelsware, keine Menschen.

Tabak, Zucker, Baumwolle, Gold und Elfenbein wurde wieder mit nach Hause gebracht. Auf den großen Plantagen mussten die Sklaven unter unwürdigen Bedingungen arbeiten. Man kann sagen, dass die Grundlage für den Handel mit westindischen Kolonialwaren die Sklavenarbeit auf den Plantagen war. Die Arbeit war zudem so grausam schwer, dass die meisten der Sklaven jung starben. Es mussten ständig neue Arbeitskräfte herangeschafft werden. Die kleinen und großen Antillen hat man im 18. Jahrhundert „Zuckerinseln“ genannt, da dort vor allem Zuckerrohr angebaut und verarbeitet wurde. Die Inseln Saint Thomas, Saint John und Saint Crox gehörten in der Kolonialzeit zu Dänisch Westindien. Aus Melasse wurde auch Rum hergestellt. Heute noch wird Flensburg die „Rum-Stadt“ genannt, weil dort der westindische Rum verschnitten wurde. So ist diese Geschichte auch mit der Sklaverei verbunden.

Wir fragen uns, warum unsere Vorfahren auf diesen Schiffen angemustert haben. Vielen ist wohl die unwürdige Grausamkeit erst während der Fahrt aufgegangen. So geht aus alten Schiffslisten hervor, dass eine große Anzahl der Seeleute aus Schleswig-Holstein diese Fahrten nur ein einziges Mal mitgemacht haben.

Auch sind in den Listen öfter Namen zu finden, wo hinzugefügt wurde, dass derjenige fortgelaufen war. Wenn ein Galgenzeichen danebenstand, kann man davon ausgehen, dass er als Deserteur gehängt wurde. Unter den Kapitänen, die auf Guinea- und Angolafahrt gingen, sind auch Namen von den Nordfriesischen Inseln zu finden.

Im 18. Jahrhundert wurden oft am Ende des Gottesdienstes in der Kirche die Bekanntmachungen des Landvogtes verlesen. So konnte man am 25. Mai 1782 auf Föhr vernehmen, dass die „Königliche Admiralität“ vier Kapitäne suchte, welche Erfahrung mit „Neger-Handel“ aufweisen konnten. Es sollte noch fast 50 Jahre dauern, bis die Sklaverei auf der Welt offiziell abgeschafft wurde, nachdem Dänemark im Jahre 1804 den Anfang machte. Erst 1863 folgten die Niederlande und während des Sezessionskrieges ist die Sklaverei 1863 auch in den USA von Abraham Lincoln aufgehoben worden.

Foto von Tasha Jolley auf Unsplash