Üüs Sölring Dechter Jens Emil Mungard

(Maren Jessen)

Üp Söl teenk wü 2020 om dit 80. Duarsjaar fan üüs Dechter Jens Emil Mungard.

Hi waar di 13. Febriwaari 1940 ön`t KZ Sachsenhausen muurdigid.

Di Kairem Bur Jens Emil Mungard (1885-1940) es jest lung eeđer sin Duar aur di Grensen fan Sleeswig-Holstiin üs di gurt friisk Dechter en Skriiwer bikeent uuren. Dit es ek töleest di 2011 forstürwen Kairemböör Hans Hoeg tö fordankin. Hi dör 1985 en 1995 en Antologii fan

J. E. Mungard üt en sa fuan ek bluat di Sölring en gurter Interesi ön sin 800 Dechtings en Komeedisteken en Proosa-Werken, wat hi ön sin Mooterspraak Sölring skrewen heer. Man jest 2012, 72 Jaaren eeđer Mungards Duar, waar en Part fan di „Keitumer Bahnhofstraße“ ön „Jens-Emil-Mungard-Wai“ omneemt, eeđer dat di SÖLRING FORIINING höör diarfuar iinseet her. Ön di „Weidemannweg 1“ ön Kairem, hur hi uunet heer, es en „Snöfelstiin“ fuar höm iinseet uuren. Jens Emil waar üs Dreeng fan di erfēren Koptain en Bur Nann Mungard en Elisabeth Schwennen bēren en wukset me sin Bröđer Claas Nils ön Kairem āp. Di Mooter stuarw eeđer, man höör Sester Louise toch üs taust Wüf fan Nann Mungard di Jungen me fuul Leefdi en Tir fuar jaar Gaavenhairen āp. Sa wiar Jens Emil al ön sin Juugend mal interesiaret ön di germanisk en nordisk Mythologie. Uk fuar`t Sölring Brükdom en Tialen üt ualing Tiren en di friisk Spraak her hi en gurt Interesi. Sin Faađer Nann wiar Iarenmeföliger fan di „Selskip for Fryske Taal en Skriftkenntnisse“.Hi skreev en Öntal Sölring Tialen en Teksten fuar`t Blēr, en aarbert ön en Sölring Uurterbok. Sa fing di Famiilji ön Kairem aaft Bisjuk fan Persöönelkhairen üt Weestfriislön. Pieter de Clercq en Dr. P. Sipma, en Spraak-Weetenskeper fan Groningen, seet jam fuar en likdeling Rochtskriiwing fan di Ailöndialekten fan Heliglön, Aamrem, Föör en Söl iin, om en Literatuur-Üttuskin mögelk tö maakin. Jaar Taachten fing Bistant fan Jens Emil en sin Faađer Nann. Likert slaaget dit Önpasin ön di al hönert Jaar ual Rochtskriiwing fan Weestfriislön laider ek sa, üs ja jam wensket heer. Man J. E. Mungard wiar mal interesiaret ön di friisk Spraak en skreev al ain Sölring Teksten en Dechtings. Üp Treengen fan sin Faađer friit Jens Emil 1910 Anna Andresen fan Föör en aurnoom sin gurt Burenstair ön Kairem. Ja fing fjuur Jungen. Bisir di Lönwiartskep braacht hi oltert sin Taachten üs Dechtings en Proosa tö Popiir. Ön di jest Wārelskrich maast Jens Emil bi di Ailönwacht tiini, sin Bröđer kām tö di Mariini eeđer Hamborig. Ön des Tir wiar Nann Mungard me di gurt Burenstair weđer üp hömsalev stelt. Sawel Nann üs uk Jens Emil fortrat bi di Ofsteming 1920 di Miining, dat di Friisen me jaar ain Spraak en Brükdom öner di Regiaring fan`t Deensk Köningrik en beeter Kraawing fair. Nann Mungard spraak dit uk iipen üt en skreev Teksten, om sin friisk Lönsliren üp sin Sir tö bringen. Di Miisten kür`t ek forstuun en biskēmpet höm üs Lönsforreerer; Di 16. Janiwaari 1921 waar di Burenstair ön Kairem döör Brantstifting tönönt maaket. Diarüphen kiirt Nann sin Haimaatailön Söl diip forbetert di Rech; hi es 1935 ön`t deensk Toghale stürwen. Jens Emil kám wirtsjaftlig ek muar üp Biin, en 1934 waar hi fan Anna skér en flet foráremet tö Flensborig. Man sin Teksten en Dechtings waar ön`t Biblér fan di Sylter Zeitung, wat Hermann Schmidt sent 1926 ütdör, bit hentö 1937 prentet. Di leest Tekst fan J. E. Mungard ön`t Blér wiar 1937 „Di Pest“. Sin Noom waar ek prentet. Di Natsjonaalsotsjalisten her höm nemelk dit Skriiwen forböören, aurdat hi ön sin Dechtings klaar Positsjooon töögen jaar Regiaring noom. Hi waar 1938 ön „Sjutshaft“ nomen en es 1940 ön`t KZ Sachsenhausen stürwen.

Unser Sylter Dichter Jens Emil Mungard

Auf Sylt gedachten wir im Jahre 2020 des 80. Todesjahres unseres Dichters Jens Emil Mungard. Er wurde am 13. Februar 1940 im KZ Sachsenhausen ermordet. Der Keitumer Landwirt Jens Emil Mungard (1885-1940) ist erst lange nach seinem Tode über die Grenzen Schleswig-Holsteins als der große friesische Dichter und Literat bekannt geworden. Das ist nicht zuletzt dem 2011 verstorbenen Keitumer Hans Hoeg zu verdanken. Er gab 1985 und 1995 jeweils eine Anthologie J.E. Mungards heraus und so fanden nicht nur die Sylter ein größeres Interesse an seinen 800 Gedichten, Theaterstücken und Prosa-Werken, die er in seiner Muttersprache Sölring geschrieben hatte. Jedoch erst 2012, 72 Jahre nach seinem Tode, wurde ein Teil der „Keitumer Bahnhofstraße“ in „Jens-Emil- Mungard-Weg“ umbenannt, nachdem der Kulturverein Sölring Foriining sich dafür eingesetzt hatte. Im „Weidemannweg 1“ in Keitum, wo er einst wohnte, ist ein „Stolperstein“ für ihn eingesetzt worden.

Jens Emil Mungard wurde als Sohn des erfahrenen Kapitäns und Landwirtes Nann Mungard und Elisabeth Schwennen geboren und wuchs mit seinem Bruder Claas Nils in Keitum auf. Die Mutter starb früh, jedoch ihre Schwester Louise zog als zweite Ehefrau Nann Mungards die Kinder mit viel Liebe und Zeit für ihre Begabungen auf. So war Jens Emil bereits seit frühester Jugend sehr interessiert an der germanischen und nordischen Mythologie. Auch für das Sylter Brauchtum, die überlieferten Sagen und die friesische Sprache hatte er großes Interesse. Sein Vater Nann war Ehrenmitglied der „Selskip for Fryske Taal en Skriftkenntnisse“. Er schrieb eine Anzahl Sylter Sagen und Texte für die Zeitung und arbeitete an einem Sylter Wörterbuch. Daraufhin erhielt die Familie in Keitum oft Besuch von Persönlichkeiten aus Westfriesland. Pieter de Clerq und Dr. P. Sipma, Sprachwissenschaftler aus Groningen, setzten sich für eine einheitliche Rechtschreibung der Inseldialekte von Helgoland, Amrum, Föhr und Sylt ein, um einen Literaturaustausch möglich zu machen. Ihre Bemühungen fanden die Unterstützung Jens Emils und seines Vaters.

Trotzdem erfolgte die Anpassung an die hundert Jahre alte Rechtschreibung von Westfriesland leider nicht so, wie es gewünscht war. Jedoch Jens Emil war weiterhin sehr interessiert an der friesischen Sprache und schrieb bereits eigene Sölring- Texte und Gedichte.

Auf Drängen seines Vaters heiratete Jens Emil 1910 Anna Andresen von Föhr und übernahm den väterlichen Bauernhof in Keitum. Sie bekamen vier Kinder. Neben der Landwirtschaft brachte er stets all seine Gedanken in Form von Gedichten und Prosa zu Papier. Im 1.Weltkrieg durfte Jens Emil bei der Inselwacht dienen, sein Bruder kam zur Marine nach Hamburg. In dieser Zeit war Nann Mungard wieder mit seinem großen Bauernhof auf sich selbst gestellt.

Sowohl Nann als auch Jens Emil vertraten bei der Abstimmung 1920 die Meinung, dass die Friesen mit ihrer eigenen Sprache und ihrem Brauchtum unter der Regierung des dänischen Königs eine bessere Förderung erhalten würden. Nann sprach dieses auch offen aus und schrieb Texte, um die Sylter Landsleute auf seine Seite zu bringen. Die meisten konnten es nicht nachvollziehen und beschimpften ihn als Landesverräter; am 16. Januar 1921 wurde der Bauernhof in Keitum durch Brandstiftung zerstört. Daraufhin kehrte Nann seiner Heimatinsel Sylt tief verbittert den Rücken; er ist 1935 im dänischen Toghale verstorben.

Jens Emil kam wirtschaftlich nicht mehr auf die Beine, wurde 1934 von Anna geschieden und zog verarmt nach Flensburg. Jedoch seine Texte und Dichtungen wurden im Beiblatt der Sylter Zeitung, welche Hermann Schmidt seit 1926 herausgab, bis 1937 gedruckt.

Der letzte Text Jens Emil Mungards in der Zeitung war 1937 „Die Pest“. Sein Name wurde nicht gedruckt. Die Nationalsozialisten hatten ihm nämlich das Scheiben verboten, da er klar Position gegen ihre Regierung einnahm. Er wurde 1938 in „Schutzhaft“ genommen und ist 1940 im KZ Sachsenhausen gestorben.

Foto: Julian Nyča, CC BY-SA 4.0 <https://creativecommons.org/licenses/by-sa/4.0>, via Wikimedia Commons

 

Maren Jessen
Letzte Artikel von Maren Jessen (Alle anzeigen)